Ndihmës-sekretarja e Departamentit Amerikan të Shtetit, Viktoria Nuland, partive politike në Maqedoni u ka propozuar edhe formimin e një grupi të veçantë hetues pranë MPB-së si dhe krijimin e një dhome speciale në kuadër të Gjykatës penale.
Ekspertët mendojnë se këto rekomandime të Nuland janë tërësisht me vend, madje edhe jetike për funksionimin e drejtësisë.
Ndërkaq Besa Arifi mendon se krijimi i këtyre dhomave nga pikëpamja juridike janë tërësisht të mundura. Për të pasur funksionim të plotë të drejtësisë, nevojitet krijimi i të tre shkallëve speciale në fushën e drejtësisë.
Grupi i parë në MPB do të përbëhej nga ekspertë juridik të cilët do të hetonin rastet më eklatante, ndërsa grupi i dytë në Gjykatën Penale do të merrte vendime racionale mbi autorët e përfshirë në këto ngjarje.
Këto iniciativa do të ishin hallka të rëndësishme për funksionimin normal të Prokurorisë Speciale Publike, dhe për rrjedhojë sundimin të ligjit në vend.