Prizreni me Qendër të ‘Evropës’

Prizreni

Prizreni me Qendër të ‘Evropës’

Më: 21 qershor 2016 Në ora: 15:29
Ilustrim

Në Prizren sot është bërë inaugurimi solemn i Qendrës ‘Evropa’, me çka u bë edhe dorëzimi ceremonial i kontratave të qiramarrësve në këtë qendër.

Në një konferencë për media, Shefi i operacioneve të Zyrës së BE-së në Kosovë, Christof Stock, është shprehur se ky kompleks ofron kushte të mira jo vetëm në aspektin ekonomik por edhe kulturor për rajonin e Prizrenit. Se a është i kënaqshëm me funksionalizimin e kësaj qendre, Stok tha se ka hapësirë të mjaftueshme për veprimtari të ndryshme, por megjithatë, ai ka thënë se është nevoja edhe për disa investime të vogla në Komunën e Prizrenit.

Stock: Duke bashkëpunuar do të realizojmë edhe sistemin e furnizimit me ujë

“Jam i kënaqshëm qendra Evropa është e gatshme për biznese, për kulturë, për promovimin e tyre në këtë rajon. Do të dëshiroja që edhe këto biznese edhe kulturat të bashkëpunojnë, sepse mund të sjellin edhe përfitime në komunën tonë të Prizrenit. Ka edhe disa gjëra tjera të vogla që kanë mb et, por ne bashkë me komunat jemi duke bashkëpunuar që t’i realizojmë edhe këto sa më shpejtë, p.sh furnizimi me ujë. Mendoj që stafi po e bënë, jo mirë, po më shumë se mirë punën e tyre. Sidoqoftë kanë nevojë për disa përmirësime. Po ashtu përveç ujit është esenciale edhe nxehja gjatë dimrit dhe ngrohja gjatë dimrit për vizitorët që vijnë”, tha Stock.

Ndërsa, drejtori komunal për Urbanizëm, Nijazi Kryeziu, tha se është i kënaqur me përurimin e kësaj qendre të vetme të këtij lloji në Kosovë, ku partnere e Bashkësisë Evropiane në funksionalizimin e qendrës Evropa është edhe Kuvendi Komunal i Prizrenit.

Kryeziu: Obligim i komunës, do ta rregullojmë ujin dhe ngrohjen

“Kemi pas vështirësi jo gjatë implementimit të këtij ndërtimit të këtij kompleks,i por pas finalizimit të ndërtimit në mënyrën e menaxhimit, pra se si do të menaxhohet d he nga kush do të menaxhohet... Jemi në rrugë të mirë, natyrisht do të kemi takime javën e ardhshme dhe javë tjera me Bashkimin Evropian. Dhe, po, janë obligime të komunës që duhet të rregullojmë ujin, ngrohjen gjatë dimrit, ajrin gjatë verës dhe megjithatë ka qenë një koncept i tillë i ofruar si bashkë projekt, dhe komunat e Kosovës kanë nevojë të mësohen me këtë mënyrë të menaxhimit Qendra”, tha Kryeziu

Me këtë rast Christof Stock, dhe pjesëmarrësit tjerë vizituan hapësirat e kompleksit Evropa.

Sot mund të lexoni Shfletoni kopertinat