Mbesa e dëshmorit Abdulmexhid Shaini nga Sllupçani i Kumanovës, duke recituar një poezi për dëshmorët i heshti të gjithë të pranishmit në manifestimin e djeshëm, veçanërisht funksionarët e BDI-së, të cilët ende nuk kanë bërë asgjë në lidhje me statusin e dëshmorëve të UÇK-së.
Dje u shënua përvjetori i 15-të i fillimit të luftës së Ushtrisë Çlirimtare Kombëtare në Sllupçan dhe shpalljes së zonës së lirë të Karadakut. Ajo që ra në sy dje ishte mungesa e liderit të Bashkimit Demokratik për Integrim Ali Ahmetit dhe bashkëpunëtorëve të tij më të afërt, për të cilët thuhet se nuk janë më të mirëpritur në këto anë.