(E plotësuar) - Ka përfunduar e qetë protesta në Shkup ku mijëra qytetarë dolën në rrugë për të 13-ën herë me radhë për të shprehur revoltën e tyre kundër vendimit të presidentit Ivanov.
“Revolucioni laraman” edhe sot realizoi aksionin e zakonshëm ku në shënjestër ishte zyra e presidentit Ivanov dhe objekti i Ministrisë së Drejtësisë.
20:34 – Protestuesit kanë vazhduar protesën përapara Qeverisë së Maqedonisë. Ata vazhdojnë me thirrje anti-qeveritare.
Ashtu si dje edhe sot policia ka rrethuar vetëm objektin e Qeverisë.
19:25 – Protestuesi kanë vazhduar protestën e tyre para Kuvendit të Maqedonisë.
19:13 – Protestuesit rrugës drejt Kuvendit kanë gjuajur me ngjyrë objektin e Ministrisë së Drejtësisë dhe zyrën e presidentit Ivanov.
18:58 – Në këto momente protestuesit janë nisur drejt Kuvendit të Maqedonisë për të vazhduar protestën kundër vendimit të presidentit Ivanov.
Filloi protesta në Shkup
Sapo ka filluar protestat e lëvizjes “Protestoj”, para Prokurorisë Speciale Publike, kundër vendimit të presidentit të Maqedonisë, Gjorgje Ivanov, për amnistimin e të gjithë politikanëve që janë nën hetime nga Prokuroria Speciale për mashtrime zgjedhore, por edhe për veprime të tjera të jashtëligjshme.
Në qendër të Shkupit shihet një numër i madh i policëve, por deri tani nuk është shënuar asnjë incident.
