Përfaqësuesit e Bashkësisë Fetare Islame të Republikës së Maqedonisë, të shoqëruar nga zëvendësdrejtori i Drejtorisë së Doganave të Maqedonisë, Lavdrim Veliu kanë pritur sot në mëngjes haxhinjtë që u kthyen nga vendet e shenjta të Arabisë Saudite pas mbarimit të kushtit të pestë të fesë Islame, Haxhit.
Prania e zëvendësdrejtorit Veliu sipas drejtuesve të Bashkësisë Fetare Islame, respektivisht muftiut të Gostivarit, Shaqir ef Fetahu, ishte shumë domethënëse në kuptim të mbështetjes logjistike që hanxhinjtë e lodhur nga rrugëtimi, tu shmangen procedurave burokratike të aeroportit, në pjesën e doganave.
Haxhinjtë që udhëtuan përmes linjës ajrore me Bashkësinë Fetare Islame të Republikës së Maqedonisë, pas kryerjes së kushtit të pesë, Haxhit, sot grupi i parë i tyre që në orët e para të mëngjesit, arritën në Maqedoni.
Sivjet, nga Maqedonia për ne Haxh shkuan rreth 1500 besimtare përmes organizimeve private dhe organizimit te Bashkësisë Fetare Islame të Republikës së Maqedonisë.