Zgjedhjet e radhës në Maqedoni janë paralajmëruar për më pak se gjashtë muaj, përkatësisht për në prill të vitit 2016, por pavarësisht kësaj, ambasadorja e OSBE-së në Shkup, Nina Suomalajnen, është optimiste se edhe në këto gjashtë muaj Lista Zgjedhore mund të pastrohet me revidim dhe me ndihmën e ekspertëve.
Në një intervistë për Radion “Evropa e Lirë”, Suomalajnen thekson se me rëndësi të posaçme për zbatimin e zgjedhjeve është edhe pavarësimi dhe neutraliteti i institucioneve që zbatojnë zgjedhjet.
Sipas OSBE-ODIHR-it, në vendet demokratike dhe në kushte normale, ligjet dhe procedurat për organizimin e zgjedhjeve rregullohen një vit para zgjedhjeve.
