Kryeministri Isa Mustafa, përmes një telegrami dërguar Qeverisë së Maqedonisë, ka shprehur keqardhjen e thellë për vërshimet me pasoja në njerëz, që kanë ndodhur në qytetin e Tetovës, në Maqedoni.
Kreu i ekzekutivit kosovar , në emër të Qeverisë dhe të popullit të Kosovës i ka shprehur ngushëllimet më të sinqerta Qeverisë e popullit të Maqedonisë dhe familjarëve të njerëzve që kanë humbur jetën në këtë fatkeqësi natyrore.
Ai po ashtu ka shprehur gatishmërinë e plotë të qeverisë që e drejton që të ofrojë çdo lloj ndihme, brenda mundësive të saj, për Maqedoninë në tejkalimin e kësaj situate.