(E plotësuar) Nga burime të "Lajm", mëson se nuk janë të sigurta lajmet se në rajoni e Likovës, respektivisht në afërsi të fshatit Sllupçan dhe Vaksincë (në afërsi të poligonit të Aeropotit sportiv të Kumanoves 'Haxhi Tepe") ka pasur aksion policor dhe të shtëna.
Burimet e njëjta thonë se bëhet fjalë për garë gjuetarësh, respektivisht të shtënash ndërmjet gjuetarëve, si pjesë e garës ndërmjet gjuetarëve.
"Janë shumë tendencioze raportimet e mediave të caktuara shqiptare dhe maqedonase, kur bëhet fjalë për Sllupçanin dhe rajonin e Likovës", thotë Ragmi Demiri, duka shtuar se shpekulimet e këtij lloji janë shumë të dëmshme për shqiptarët e rajonit të Likovës dhe Kumanovës, dhe kanë për qëllim njollosjen e shqiptarëve të këtushëm.
Ndryshe, televizioni Sitel raportoi pak më parë se "Sot rreth orës 6 e 30 min ka nisur aksioni i MPB për shkatërrimin e një grupi terrorist i cili ka qenë i stacionuar në rajonin e fshatit Sllupçan dhe Vakcincë. Sipas informacioneve, në 7 e 15 min janë dëgjuar disa të shtëna, tash për tash nuk ka informacione për të lënduar ose të burgosur", ka shkruar Sitel.
Edhe një aksion i madh policor në komunën e Likovës
Sot rreth orës 6 e 30 min ka nisur aksioni i MPB për shkatërrimin e një grupi terrorist i cili ka qenë i stacionuar në rajonin e fshatit Sllupçan dhe Vakcincë - komuna e Likovës, shkruan Sitel.
Sipas informacioneve, në 7 e 15 min janë dëgjuar disa të shtëna, tash për tash nuk ka informacione për të lënduar ose të burgosur.
Më shumë informacione rreth kësaj temë do të ketë brenda ditës.
