Katër parti politike dërguan kërkesë me shkrim për një njësi zgjedhore dhe përsfhirjen në grupet e punës për legjislaturën zgjedhore deri tek Ambasadorët e Bashkimit Evropian, SHBA-ve dhe OSBE-së si dhe deri tek ndërmjetësi Piter van Houte, raporton Zhurnal.
Pavle Trajanov nga Lidhja Demokratike (LD), Liljana Popovska nga partia Ripërtëritja Demokratike e Maqedonisë (RDM), Rubin Zemon nga Aleanca për Maqedoni Pozitive (AMP) dhe Nexhat Bexheti nga Partia për Prosperitet Demokratik (PPD), qëndrojnë si nënshkrues të tekstit, në të cilin argumentohen kërkesa e tyre.
Një njësi zgjedhore do të mundësojë që Maqedonia të fitojë përbërje parlamentare e cila do të jetë reale dhe do të paraqesë vullnetin e qytetarëve.
“Në atë mënyrë nuk do të humben qindra e mijëra vota për partitë të cilat nuk janë pjesë e koalicioneve të mëdha. Kjo do të çojë drejt demokratizimit të tërë sistemit dhe do ti shmang krizat politike, të cilat, mes tjerash, gjenerohen edhe nga modeli zgjedhor”, thonë propozuesit.