Lideri i LSDM-së Zoran Zaev tenton që të krijojë tensione dhe në mnëyrë të dhunshme të marrë pushtetin. Vetëm hyrja e konferencës së djeshme e Zoran Zaevit kishte për qëllim që të nxitë revoltë tek qytetarët e Maqedonisë. Qeveria nuk do të bie pre e këtyre manipulimeve, por apeloj që edhe qytetarët të mos dezinformohen. Kështu deklaroi kryeministri Gruevski në një intervisët dhënë Televizionit Kanal5.
Ai sqaroi se për vrasjen e të riut Neshkovski shteti konkretisht MPB-ja dhe gjykata menjëherë pas vrasjes i ka marrë të gjitha masat për kapjen e autorit ndërsa gjykata ka dënuar fajtorin me 14 vjet burg.
“Puna e parë është se në momentet e vdekjes së Neshkovskit rasti nuk ishte denoncuar në polici. Puna e dytë është se menjëherë sapo u informua policia reagimi ka qenë i shpejtë që të kapet autori i vrasjes dhe puna e tretë është se ne si shtet kemi pasur brengosje të madhe që autori të kapet menjëherë dhe pas reagimit të shpejtë të policisë fajtori u arrestua ndërsa në gjyq ai u dënua me 14 vite heqje lirie. Teza e Zaevit të cilën e publikoi në hyrje të konferencës se pushteti dhe unë si kryeministër e kemi fshehur vrasjen është vetëm një dezinformatë pasi ne kemi bërë gjithçka që është e mundur sipas ligjit, duke e kapur autorin e vërtetë të vrasjes”, deklaroi Gruevski.
Ai apeloi qytetarët e Maqedonisë që të mos bien pre e dezinformatave që i publikon, siç tha ai, lideri i opozitës Zaev.
“Apelojmë tek të gjithë qytetarët që të mos bien pre e dezinformatave që i publikon në hyrje të konferencës për shtyp Zaevi. Po ashtu ata keqpërdorin dhe dezinformojnë opinionin përmes portaleve të ndryshme të cilët kanë një agjendë të caktuar”, tha mes tjerash Gruevski.
