Krater me dimensione 30 centimetra në diametër dhe 10 centimetra në thellësi është pasoja e vetme nga shpërthimi i mjetit deri tani i panjohur shpërthyes që natën e kaluar rreth orës 21 dhe 45 minuta ka ndodhur në rrugën “170” para hyrjes së selisë së BDI-së në Reçicën e Vogël të Tetovës, konfirmoi zëdhënësi i SPB Tetovë, Marjan Josifovski.
Sipas informatave të tij, nga shpërthimi nuk ka dëme të tjera të ndërtesave ose objekteve, e as nuk është plagosur ndokush.
Ekipet e SPB Tetovë dhe prokurori publik që mbrëmë janë gjetur dhe kanë marrë gjurmë për ekspertizë dhe janë duke punuar në përcaktimin e llojit të mjetit shpërthyes, si dhe në identitetin dhe motivin e mundshëm.
Sipas informacioneve të deritashme jozyrtare, mjeti shpërthyes është aktivizuar duke hedhur dhe në momentin e shpërthimit në kthinën e portierit të selisë së BDI-së ka pasur një person i cili nuk është lënduar.
Por portali TetovaSot mbrëmë informoi se dy persona me motoçikletë kanë hedhur materialin shpërthyes “tritol” ku më pastaj janë larguar në drejtim të panjohur.