“Nikolla Gruevski do të ikë nga skena politike në Maqedoni, por për fat të keq do të mbetet turpi i paparë që i shkaktoi Maqedonisë, ky njeri i pandërgjegjshëm”. Kështu thuhet në reagimin e pasdites nga partia opozitare.
Në një komunikatë për shtyp, duke iu referuar fjalimit të Gruevskit në kongresin e VMRO-së, nga LSDM-ja u shprehën se “po të mos ishte për t’u gjykuar kjo që bëri Nikolla Gruevski, ai do ishte për të ardhur keq. Së pari, fajin për “veprat” e tija të shëmtuara, Gruevski e adresoi te bashkëpartiakët e tij, të cilët i quajti lojtarë “të lodhur” të cilëve u ka ardhur koha të pushojnë.
Më pas, lidhur me porositë e bashkësisë ndërkombëtare, ai konstatoi “politikë të standardeve të dyfishta”. Në reagimin e LSDM-së, thesohet gjithashtu se mbetet për t’u shqyrtuar seriozisht, nëse Gruevski ka humbur kontaktin me realitetin, kur fajin për gjithçka, e shesh tek gjithë të tjerët, duke amnistuar veten. Një njëri i paarsyeshëm nuk meriton të drejtojë më vendin, theksohet në komunikatën e LSDM-së.