Ekzistojnë indikacione se në Maqedoni ka keqpërdorim të pushtetit, por BE nuk mund që këtë ta thotë përderisa nuk vjen deri te një hetim serioz i përmbajtjes së bisedimeve që i publikon opozita, tha dje Piter Fejt.
Fejt është diplomat holandez i cili ka punuar në Ballkan gjatë kohës së krizës maqedonase u dërgua nga NATO për të qenë lidhje me UCK-në dhe ai është edhe njëri prej pjesëmarrësve në përgatitjen e Marrëveshjes Kornizë të Ohrit.
Sipas tij, BE është shumë e shqetësuar për Maqedoninë.
“Incizimet zbuluan thyerjen e të drejtave të njeriut dhe manipulime zgjedhore”, tha ai dhe shtoi se është e nevojshme që të hetohen këto përgjime.