Zoran Zaev, lider i opozitës maqedonase e mirëpret mbështetjen publike të ish liderit të LSDM-së, Branko Cërvenkovski.
“Duke e pasur parasysh situatën e rëndë në të cilën gjendet Maqedonia dhe kriza e thellë politike, mirë është që edhe ish kryetari i shtetit u shpreh dhe i shpalosi qëndrimet e tij për gjendjet në vend.
Edhe LSDM, dhe personalisht unë si kryetar i partisë, e përshëndesim tërësisht mbështetjen që Cërvenkovski e shpreh ndaj LSDM-së dhe ndaj drejtuesve të partisë.
Për të ardhmen e Maqedonisë dhe qytetarëve të saj është e patjetërsueshme që secili individ të jap kontribut në realizimin e qëllimeve me projektin ‘ E vërteta për Maqedoninë’, për kthimin e lirisë, demokracisë dhe vlerave evropiane në shtetin tonë, dhe sidomos nëse ajo gjë vjen prej njerëzve me përvojë ashtu si është ish kryetari Branko Cërvenkovski”, deklaroi Zaev për Dojçe Vele.