Fondi Pensional-Invalidor në Maqedoni i udhëhequr nga kuadrot e BDI-së kanë arritur suksese të mëdha në përfaqësimin e shqiptarëve në këtë institucion të rëndësishëm shtetëror.
Drejtori i Fondin për Sigurim Pensional e Invalidor të Republikës së Maqedonisë, Amet Dauti sot ndau vendimet e punës për 63 persona të cilëve iu transferua vendi i punës në bazë të Ligji për transformim në marrëdhënie të rregullt pune që Parlamenti I Maqedonisë e miratoi kohë më parë.
Prej këtyre 63 personave që sot morën vendimet e punës, 54 janë shqiptarë ndërsa 9 maqedonas.
Ekipi menaxhues i kryesuar nga drejtori Amet Dauti përgëzoi punonjësit e pranishëm duke ju dëshiruar suksese në jetë dhe punë si dhe njëkohësisht falënderoi ata për angazhimin maksimal të deritanishëm gjatë kryerjes së detyrave të punës.
