Në Parlamentin Evropian sot pasdite përfundoi dialogu i parë zyrtar mes përfaqësuesve të VMRO-DPMNE dhe LSDMsë, me ndërmjetësimin e eurodeputetëve Edvard Kukan, Ivo Vajgël dhe Riçard Houit dhe nën syrin e zgjuar të David Kullen dhe Kristina Graj nga Komisioni Evropian, në mënyrë për t’i dhënë fund krizës politike në Republikën e Maqedonisë, njofoti korrespodenti i MIAs nga Brukseli.
Tre përfaqësuesit e VMRO-DPMNEsë, Nikolla Popovski, Nikolla Todorov dhe Ilija Dimovski dhe përfaqësuesit e LSDMsë, Radmilla Shekerinska, Renata TrenevskaDeskoska dhe Viktor Gaber, kishin një takim të shkurtër të përbashkët, të ndërmjetësuar nga eurodeputetët.
Sipas informatave nga ky takim, përfaqësuesit e LSDMsë kanë qëndruar në kërkesën për krijimin e një qeverie kalimtare, duke kërkuar edhe dorëheqjen e ministrave dhe zyrtarëve në Radio Televizionin e Maqedonisë, si dhe të prokurorit publik. Kjo është hedhur poshtë nga “treshja” e VMRO-DPMNEsë, pas çka takimi ka përfunduar.
Në kumtesën e dërguar nga zyrat e Vajgël, Kukan dhe Houit, që është i vetmi informacion zyrtar nga dialogu i sotëm LSDM VMRO-DPMNE në Parlamentin Evropian, duke marrë parasysh atë se përfaqësuesit e partive maqedonase, si dhe vet eurodeputetët, refuzuan të japin deklarata zyrtare, theksohet se bashkëbiseduesit ranë dakord të takohen përsëri.
“Sot u mbajt takimi në Bruksel mes përfaqësuesve të partisë maqedonase në pushtet dhe partive opozitare me anëtarë të Parlamentit Evropian. Të gjithë pjesëmarrësit u pajtuan se bisedimet duhet të vazhdojnë”, theksohet në deklaratën nga kabinetet e tre eurodeputetëve të KEsë, lehtësues të dialogut të sotëm. Dialogu i sotëm i dy partive më të mëdha maqedonase, që është për herë të parë pas bojkotit zyrtar nga ana e LSDMsë në Kuvendin e Maqedonisë pas zgjedhjeve të kalura parlamentare, fillimisht filloi me takime të veçanta të përfaqësuesve maqedonas me europarlamentarët dhe përfaqësuesit e Eurokomisionit.
Më pas u mbajt drekë pune e eurodeputetëve Kukan, Vajgëll dhe Houit me Radmilla Shekerinskën dhe Nikolla Poposkin, ndërsa në fund edhe takim i përbashkët i të gjitha “tresheve”.
Ky takim, gjithashtu do të mbahet në Bruksel.