Mediet maqedonase raportojnë se policia ka zbuluar 60 emigrantë afganë në trenin që qarkullon në relacionin Gjevgjeli – Shkup.
Ata kanë udhëtuar për katër orë rresht, por janë ndaluar nga policia në stacionin e trenit në Veles.
Mësohet se sapo emigrantët kanë zbritur nga treni, kanë tentuar të ikin, por një pjesë e tyre është arrestuar.
Madje njëri nga emigrantët është hedhur në lumë dhe ka kaluar në anën tjetër të bregut, duke i shpëtuar policisë.
Mësohet se shumica e tyre janë afganë.
Mes tyre ka shumë gra dhe fëmijë.
Të gjithë udhëtonin me bileta.