Është mbushur një vit nga arrestimi i biznesmenit indian Subrata Roj.
Ai u arrestua më 28 shkurt 2014 në Indi, nën dyshimin se kompania e tij bankare ka mashtruar kreditorët e vegjël dhe ka punuar jashtë sistemit financiar të shtetit.
Kompania e tij po përpiqet prej një viti që të mbledhë paratë e nevojshme për lirimin e Rojit.
Ajo ka nxjerrë në shitje tre hotele luksoze në Nju Jork dhe në Londër.
Roj u bë i njohur për Maqedoninë pasi u promovua si investitor serioz nga Qeveria.
Ai paralajmëroi hapjen e një ferme me 20 mijë lopë, ndërtimin e një qendre turistike në bregun e Liqenit të Ohrit dhe hapjen e studiove filmike.
Roj paralajmëroi edhe ndërtimin e një përmendoreje të Nënës Terezë në Shkup.
Asnjë nga këto paralajmërime nuk u përmbushën.
