Ambasadori i BE-së në Maqedoni Aivo Orav është shprehur i shqetësuar për përgjimin e ambasadorëve të huaj, mes tyre edhe vetë ai.
Këtë shqetësim ai i ka shprehur kryetarit të Partisë për Emancipimin e Plotë të Romëve, Samka Ibraimoski.
Kjo gjë është bërë e ditur në njoftimin e partisë për takimin.
“Në takim u bë fjalë edhe për problemin e përgjimeve, zbardhur nga opozita. Me këtë rast, Orav shprehu shqetësimin e tij për situatën në vend, për më tepër që edhe ai ndodhet në listën e të përgjuarve”, thuhet në njoftimin për takimin mes liderit rom dhe ambasadorit Orav.
Të premten e kaluar, lideri socialdemokrat Zoran Zaev tha se mes të përgjuarve janë edhe 6 ambasadorët e shteteve më me ndikim, por nuk pranoi që t’i thotë emrat e tyre.
Deklarata shkaktoi reagimin e Zyrës së BE-së dhe të ambasadave të tjera.