Policia serbe ka vënë në pranga dje një shtetas të Maqedonisë, i cili tentoi trafikimin e substancave narkotike në Serbi.
Arrestimi ndodhi dje në pikën kufitare “Preshevë”, ku i dyshuari me makinën e tij Ford Focus tentoi kalimin në Serbi, por u zbulua se transportonte drogë.
Pas kontrollit ndaj makinës, doganierët serbë gjetën 8.5 kilogramë drogë “heroinë”, fshehur në një bukur special.
Policia serbe, duke komunikuar rastin, tha se i dyshuari kish tentuar ta maskonte transportin e drogës duke marrë me vete gruan, nënën dhe dy fëmijët e mitur.
Kur u pyet se për ku është nisur, i dyshuari tha se po shkonte mysafir së bashku me familjen.
Policia dyshoi meqë posedonte të dhëna se i dyshuari kish bashkëpunuar në të kaluarën me dilerë lokalë droge dhe e urdhëroi që të dalë nga makina.
