Kabineti i Kryetarit të BDI-së ka kërkuar nga veteranët e UÇK-së që të shtyjnë takimin e nesërm për një ditë tjetër.
Siç mësohet, takimi nuk do të anulohet, por thjesht do të shtyhet për një datë tjetër, për arsye shëndetësore të kreut të BDI-së, Ali Ahmetit.
Kabineti shpreson që kërkesa të hasë në mirëkuptimin e veteranëve dhe takimi të zhvillohet një ditë tjetër, që do të caktohet në mënyrë plotësuese nga të dyja palët.
Mësohet se Ahmeti vijon rehabilitimin e tij në shtëpi, pas aksidentit ku u përfshi 10 ditë më parë, dhe se nuk ka filluar ende me aktivitetet partiake.