Ministri Todorov i zu në gaflet mjekët kumanovar

Maqedonia

Ministri Todorov i zu në gaflet mjekët kumanovar

Më: 25 janar 2015 Në ora: 11:24

Ministri i shëndetësisë Nikolla Todorov, me anëtar të kabinetit të tij, pas mesnate, pa paralajmërim e vizituan Spitalin e përgjithshëm në Kumanovë.

Ashtu si publikoi kumanovonews, gjatë kontrollit të pa paralajmëruar është nxënë një mjek se si flinte në vendin e punës gjatë kohës së kujdestarisë, personeli mjekësor se si nuk e respekton Ligjin për pirjen e duhanit në njërën prej klinikave dhe janë hetuar edhe disa pacient me cigare në dorë.

Kontrolli i mesnatës ka vërtetuar se nuk është në funksion tetra-radio stacioni i cili është i caktuar për komunikacion midis Ndihmës mjekësore të shpejtë dhe Qendrës urgjente në Spitalin e përgjithshëm në Kumanovë.

Ashtu si na zbulojnë të punësuarit të cilët atë natë e kanë ndjekur vizitën e pa paralajmëruar, ministri Todorov e ka vizituar edhe Qendrën urgjente, klinikat për mjekësi interne, pediatrinë, gjinekologjinë, por nuk e dinë nëse është takuar me drejtorin.

Sot mund të lexoni Shfletoni kopertinat