Policia maqedonase ka arrestuar të premten mbrëma, ish-shefin e Drejtorisë për Zbulim dhe Kundërzbulim (DSK-së) të Maqedonisë, Zoran Verushevski.
Siç raporton Tv Alfa, Verushevski është arrestuar mbrëmë rreth orës 22:30, ndërsa për momentin nuk ka shumë informacione zyrtare në lidhje me arrestimin e ish-kreut të shërbimit sekret maqedonas në kohën e qeverisjes së LSDM-së.
Jozyrtarisht mësohet se Verushevski akuzohet për armëmbajtje pa leje, dyshime për pornografi me të mitur, si dhe disa shkelje të tjera.
Nga Ministria e Punëve të Brendshme, njoftojnë se sotdo të dalin me informata më të hollësishme për këtë arrestim.
