Anëtarësimi në NATO mbetet prioritet kryesor i Maqedonisë.
Përcaktimi i tillë u rikonfirmua nga ministri i Mbrojtjes Zoran Jolevski, gjatë takimit me ish-ministrat e Mbrojtjes.
Ai tha se Ministria dhe Qeveria do të vazhdojnë të punojnë në këtë drejtim, me aktivitete për realizimin e reformave dhe për përmirësimin e standardit të pjesëtarëve të ARM-së.
Në këtë kontekst, tha ministri, do të bëjmë pranimin edhe të 250 ushtarëve profesionale.
“Do të vazhdojmë edhe me modernizimin e pajisjeve të ARM-së”, tha ministri.
Maqedonia dështoi të marrë ftesën për anëtarësim në NATO edhe në samitin e shtatorit në Angli.
Por Aleanca ka rideklaruar qëndrimin e saj se Maqedonia mund të pranohet në strukturën e saj sapo të mbyllë kontestin e emrit me Greqinë.
