Shefi i diplomacisë, Nikolla Poposki nuk është optimist se viti 2015 mund të sjellë të reja rreth çështjes së emrit. Sipas tij, Athina nuk është e motivuar për gjetjen e zgjidhjes, dhe Maqedonia aktualisht nuk ka partner në bisedimet për emrin.
Ai vlerëson se vendi duhet të fokusojë energjitë në zhvillimin ekonomik dhe vazhdimin e reformave deri në momentin kur Greqia të jetë e gatshme për zgjidhjen e kontestit.
“Atë që e thonë të gjithë partnerët, vendet anëtare të NATO-s dhe Bashkimit Evropian, se për tango duhen dy persona. Për këtë tango nuk kemi partner… Motivimit për momentin nuk është në nivelin e duhur tek bashkëbiseduesit tanë, për të pasur diskutime të hapura dhe reale për tejkalimin e kontestit”, deklaroi Nikolla Poposki, Ministër i Jashtëm.
