Në fshatin Carev Dvor, komuna e Resnjës sot do të mbahet mbledhja e tetë e Grupit të palëve të interesuara për rajonin tejkufitar "Prespa".
Temat kryesore të mbledhjes do të jenë: prezantimi i broshurave të përgatitura poromovuese për rajonin "Prespa", realizimi i promovimit të rajonit në ngjarje të tjera, implementimi i aktiviteteve të ndërlidhura me programet "Njerëz për njerëz", diskutime për fazën e ardhshme dhe aktivitete vijuese specifike gjatë implementimit të Qasjes së bazuar në zhvillimin e territorit (ABDA) për rajonin tejkufitar "Prespa".
Mbledhja mbahet në kuadër të fazës së dytë të projektit të financuar nga BE "Përgatitje për zbatimin e qasjes së bazuar në zhvillim të territorit - Area Based Development Approach (ABDA) në vendet e Ballkanit Perëndimor" , i cili është implementuar nga Grupi i përhershëm punues për Zhvillim rural rajonal në Evropën Juglindore.
Në mbledhje do të marrin pjesë përfaqësues nga institucionet publike, sektori i biznesit, organizata joqeveritare dhe të tjera nga Maqedonia dhe nga Shqipëria, të cilët përmes bashkëpunimit të përbashkët do të kontribuojnë për rritje të qëndrueshme ekononike dhe zhvillim të rajonit "Prespa". (MIA)
