Zëvendëskryeministri për Implementimin e Marrëveshjes së Ohrit, Musa Xhaferri, ka uruar të gjithë besimtarët e fesë islame për festën e Fitër Bajramit.
Në telegram-urimin e tij, Xhaferi uron në këtë ditë festive për mënjanimin e dallimeve e ndarjeve dhe përforcimin e unitetit në rrugën e realizimit të qëllimeve tona.
"Më lejoni që në emrin tim dhe në emër të Sekretariatit për Implementimin e Marrëveshjes së Ohrit – Qeveria e Republikës së Maqedonisë, të gjithë besimtarëve mysliman t’ua uroj Festën e Fitër Bajramit. Njëherit, dëshirojë që kjo Festë të kalojë në shenjë të solidaritetit, tolerancës dhe harmonisë vëllazërore", ka shkruar në urimin e tij zv/kryeministri Xhaferri.