Publicisti nga Maqedonia, Kim Mehmeti, e ka shfrytëzuar rrjetin social Facebook që të njoftoj se edhe ai do tu bashkohet protestave që po organizohen në Maqedoni.
Mehemti ka shkruar se “nuk jam i shurdhër, i dëgjoj ata që pyesin ku jam strukur dhe pse nuk dal në protesta!?”
“Pa marrë parasysh kush i organizon ato, që sot e tutje, do marr pjesë në të gjitha protestat ku nuk ka dhunë e egërsi, por vetëm shqiptarizëm e urtësi dhe, ku do valëvitet vetëm flamuri që na bashkon të gjithëve dhe na i mbron të gjitha – ai kuq e zi me shqiponjën dykrenore në të! Ka ardhur koha kur ne prindërit duhet të jemi pranë fëmijëve tanë, që t’i mbrojmë ata nga manipulimet dhe provokuesit!”, ka shkruar Mehmeti.
