Shtëpia e Alfabetit Shqip në Manastir ka qenë sërish mbrëmë në shënjestër të albanofobëve maqedonas.
Persona ende të paidentifikuar, kanë qëlluar me gurë objektin, duke thyer xhamat e derës hyrëse.
Ky është sulmi i dytë ndaj këtij institucioni, i cili është marrë nën mbrojtjen e Qeverisë dhe të Ministrisë së Kulturës.
Në sulmin e parë, ishte dëmtuar inventari i brendshëm i muzeut dhe dokumentet.
Qeveria ka marrë përsipër shpenzimet për riparimin e objektit, por ende pa përfunduar këto punime, sulmi tjetër ka ardhur sakaq.
Policia po punon në identifikimin dhe kapjen e dhunuesve.