Rikonstruimi i Qeverisë, partnerët heshtin - Bota Sot
Rikonstruimi i Qeverisë, partnerët heshtin

Maqedonia

E mërkurë, 31 gusht 2016

Rikonstruimi i Qeverisë, partnerët heshtin

Më: 9 tetor 2012 Në ora: 19:42

Nuk kemi filluar bisedime me VMRO DPMNE për rekonstruim të Qeverisë. Ky është qëndrimi zyrtar i BDI-së pas paralajmërimeve se partnerët e koalicionit pikërisht në rekonstruimin e kabinetit qeveritar do të mundohet të harmonizojnë dallimet rreth çështjeve që ngritën tensione edhe në opinion e gjerë. Kjo le të nënkuptohet se megjithatë bisedimet mund të fillojnë në ditët në vazhdim.

Indikativ është edhe heshtja e VMRO DPMNE-së gjegjësisht kreut të kësaj partie Nikolla Gruevski i cili edhe sot sikurse dje nuk deshi të flas për gazetarët edhe pse u paraqit në dy evenimente të ndryshme. Kryeministri Nikolla Gruevski, pasi i shpëtoi votëbesimit të Qeverisë, ende nuk është prononcuar për raportet me partinë e Ahmetit apo për mundësinë e rikonstruimit të kabinetit të tij.

Sipas paralajmërimeve, partnerët e koalicionit Ahmeti dhe Gruevski nëpërmjet rikonstruimit të Qeverisë dhe këmbimit të ministrive do të tentojnë të tejkalojnë dallimet që janë shfaqur mes tyre, për sa i përket përkuljes së ministrit të mbrojtjes Fatmir Besimi para dëshmorëve të UÇK-së, propozim ligjit të branitellave, riemërtimit të shkollave në Çair dhe mbylljen e paraleleve të nxënësve shqiptarë.

Ministria e Ekonomisë do të zëvendësohet me atë të arsimit, me çka një nga problemet dhe dallimet e mëdha që ekzistojnë mes partnerëve të koalicionit, riemërtimi i shkollave do të mbyllet pa ndonjë bujë të madhe. Ministri aktual i ekonomisë Saraqini mund të lëvizë në post të ri, por jo ministror, thonë burime brenda BDI-së. Më së afërmi është Saraqini të ulet në postin e drejtorit të drejtorisë për investime të huaja edhe pse edhe këtë post nuk e ka të garantuar. Ndryshe siç njoftuam dje nuk përjashtohet mundësia që BDI të lë edhe ministrin e pushtetit lokal, nëse Nevzat Bejta do të kandidohet për kryetar të Komunës së Gostivarit.

Ndër emrat e përmendur që do ta lëshojnë kabinetin e Gruevskit përmendet edhe zv.kryeministrja për eurointegrime Teuta Arifi e cila përmendet si kandidate për kryetare të Tetovës. Partia e kryeministrit Gruevski, VMRO DPMNE-ja kërkesë kryesore ka largimin e ministrit të mbrojtjes Fatmir Besimi, me qëllim që me këtë dikaster të udhëheq kuadër i partisë së Gruevskit. Burime brenda partisë së Ahmetit thonë se një gjë e tillë do të ndodhë vetëm nëse BDI do të drejtonte MPB-në apo Ministrinë e Financave. Të gjitha këto ndryshime sipas paralajmërimeve pritet të ndodhin në dhjetor të këtij viti, tre muaj para mbajtjes së zgjedhjeve lokale.

Komentet
comments powered by Disqus
Më të lexuarat
Sot mund të lexoni Shfletoni kopertinat
Sondazh Kush ka të drejtë dhe çfarë duhet të bëj Qeveria me demarkacionin me Malin e Zi?

    Kuvendi duhet ta votojë marrëveshjen për demarkacion me Malin e Zi

    Qeveria duhet ta rishikoj marrëveshjen

    Opozita ka të drejtë që po kundërshton demarkacionin

    Qeveria ka të drejtë për demarkacionin

    Nuk duhet të votohet marrveshja, sepse me demarkacion Kosova humbë tokë

    Shiko rezultatet
test