Wikileaks: Qeveria Gruevski, pranoi zgjidhjen e statusit të UÇK-së - Bota Sot
Wikileaks: Qeveria Gruevski, pranoi zgjidhjen e statusit të UÇK-së

Maqedonia

E mërkurë, 24 gusht 2016

Wikileaks: Qeveria Gruevski, pranoi zgjidhjen e statusit të UÇK-së

Më: 7 tetor 2012 Në ora: 15:57

Pohimet e deputetes së Lidhjes Social-Demokrate të Maqedonisë, Radmilla Shekerinska, se Wikileaks kishte publikuar vitin e kaluar një dokument ku zyrtarët e VMRO-DPMNE-së pranonin të zgjidhnin çështjen e statusit të ish-ushtarëve të UÇK-së, dalin të vërteta.
Agjencia e Lajmeve “Zhurnal” ka siguruar kabllogramin e Ambasadës së SHBA-së me datë 15 shtator 2007, i klasifikuar si konfidencial, përmes të cilit ambasadorja amerikane Xhulian Millovanoviç, kishte raportuar në Departamentin Amerikan të Shtetit, për fillimin e zbatimit të Marrëveshjes së 29 Majit mes VMRO-DPMNE-së dhe BDI-së.
Në këtë kabllogram, Millovanoviç shkruan se zëvendëskryeministri Zoran Stavrevski dhe shefi i Kabinetit të kryeministrit, Martin Protuger, kishin pranuar në emër të Qeverisë ta zgjidhnin çështjen e ish-ushtarëve të UÇK-së, me garanci që ajo të mos përdorej në funksion të përfitimeve partiake vetëm të BDI-së.
Gjithashtu, në këtë kabllogram, thuhet që përfaqësues të Qeverisë i kishin kërkuar BDI-së të siguronte një listë me emrat e ish-pjesëtareve të UÇK-së me qëllim t’i dëmshpërblinte ata, porse partia e Ahmetit kishte refuzuar të bënte një gjë të tillë nga druajtja se të dhënat mund të keqpërdoreshin nga organet e shtetit.

Komentet
comments powered by Disqus
Sot mund të lexoni Shfletoni kopertinat
Sondazh Kush ka të drejtë dhe çfarë duhet të bëj Qeveria me demarkacionin me Malin e Zi?

    Kuvendi duhet ta votojë marrëveshjen për demarkacion me Malin e Zi

    Qeveria duhet ta rishikoj marrëveshjen

    Opozita ka të drejtë që po kundërshton demarkacionin

    Qeveria ka të drejtë për demarkacionin

    Nuk duhet të votohet marrveshja, sepse me demarkacion Kosova humbë tokë

    Shiko rezultatet
test