Eurokomisionari për zgjerim i Bashkimit Evropian, Shtefan Fyle, gjatë vizitës së tij të djeshme në Athinë ka kërkuar nga autoritetet greke të gjejnë mënyrë që të mos e pengojnë Maqedoninë në Samitin e BE-së në dhjetor të marrë datë për fillimin e negociatave për anëtarësim në BE, njofton korrespondenti i MIA-s nga Brukseli.
Diplomatë të lartë të BE-së, të cilët insistojnë për anonimitet, konfirmojnë se qëllimi i Fyles gjatë vizitës ka qenë t'i njoftojë grekët se Republika e Maqedonisë për herën e katërt do të marrë rekomandim pozitiv nga Komisioni për fillimin e negociatave për anëtarësim në BE, e cila zyrtarisht do të publikohet më datën 10-të të këtij muaji dhe se "do të ishte mirë që Greqia, pa tre bllokadave, të lejojë që Maqedonia të marrë datë".
Peter Stano, zëdhënës i eurokomisionarit për zgjerim, sot nuk deshi t'i zbulojë pikat e diskutimeve të Fyles me kryeministrin grek Samaras dhe me ministrin e Punëve të Jashtme, Avramopulos, por e theksoi deklaratën që eurokomisionari e dha pas takimeve në Athinë. "Në lidhje me Ish Republikën Jugosllave të Maqedonisë, i këmbyem qëndrimet e tona për atë se si i shohim ne ngjarjet të cilat po ndodhin gjatë muajve të fundit. Unë e njoftova ministrin e Punëve të Jashtme të Greqisë për atë se si e shikoj Dialogun inkuadrues të nivelit të lartë (HLAD), veçanërisht tre raundet e këtij dialogu. Kjo rezultoi me reforma dhe e lë vendin prapa në rrugën e vërtetë me reformat, veçanërisht ato të cilat kanë të bëjnë me qeverisjen e së drejtës. Vlerësimi im për reformat prandaj është pozitiv. Në këtë fazë nuk do të doja të zbuloj se çfarë do të jetë raporti i tetorit për IRJM dhe çfarë do të jetë rekomandimi i KE-së, për çka duhet ta njoftoj Kolegjin e komisionarëve të KE-së javën e ardhshme" thotë deklarata e eurokomisionarit për zgjerim.
Fyle ka kërkuar nga autoritetet greke t'i lejojnë Maqedonisë që të afrohet drejt BE-së.
"Tre vitet e kaluara, Komisioni dha rekomandim pozitiv për fillimin e negociatave për IRJM-në. Ne u pajtuam për shumë tema, për shembull, u pajtuam se është me rëndësi vitale të zgjidhet çështja e emrit, si dhe për atë që vendi të zhvillohet drejt inkuadrimit në BE", porositi Fyle nga Athina.
Duke e pasur parasysh krizën financiare me të cilën përballet Bashkimi Evropian, pikërisht institucionet e BE-së u gjetën në sulmin e mediave të ngujuara në përpjekjet se si ta nxjerrin BE-në nga kriza, nga e cila po pëson procesi i zgjerimit. Edhe pse Mali i Zi formalisht tani më filloi negociata, fakt është se me reformat dhe harmonizimin e rregullativës ligjore me atë evropiane janë larg pas Maqedonisë, që e konfirmoi edhe vetë Fyle me deklaratën se malazezët duhet ta zgjidhin problemin me krimin.