Në një lutje për mësuesen e saj, një indiane 13-vjeçare i ka kërkuar asaj që ta ndihmoj duke e ndaluar martesën e saj. “Nuk dua të martohem. Unë u betova kur u pranova në shkollë se nuk do të martohem para se të mbush 18 vjet”, shkroi Duli Hembrom, për mësuesen e saj.
Vogëlushja i kërkonte mësueses që t’i bindte prindërit e saj që të anulonin martesën, e cila parashihet për fundin e kësaj jave. Babai i vajzës tha se tashmë është vonë për anulimin e dasmës dhe se martesa e fëmijëve është fenomen i zakonshëm në shoqërinë e tyre.
