Selfie këtej, selfie andej. Njerëzit nuk mund të rrinë një moment pa bërë një foto dhe ta hedhin atë në rrjetet sociale, ose tu’a dërgojnë miqve apo të dashurve. Ndonjëherë edhe “trafiku” bën që fotot të mos shkojnë aty ku duhet. Ndonjëherë një tast i gabuar …të çon në telashe.
Kështu i ka ndodhur një mesueseje në Vigevano, të Italisë. Nuk ishte një foto duke bërë ski apo duke darkuar në restorant, por një foto “hot” e saj me dekolte të hapur ku dukeshin edhe pjesët intime. Kjo foto u ka shkuar gabimisht edhe nxënësve të saj.
Ndodhi gjatë krishtlindjeve kur ajo donte t’i dërgonte një mesazh një mikut të saj. Ajo e kuptoi gabimin. Kërkoi menjëherë ndjesë, por tashmë rrezikon përjashtimin nga shkolla.
