E fiksuar pas një mashkulli, të cilin e kishte njoftuar në internet, një femër ka provuar të hyjë në shtëpinë e tij përmes oxhakut.
Genoveva Nunez-Figueroa ka qenë në lidhje me burrin e njohur vetëm si Lawrence, ndërsa pasi janë ndarë ajo ka tentuar disa herë të hyjë në shtëpinë e tij.
Kësaj radhe 28-vjeçarja ka ngecur në oxhak, saqë është dashur ta nxjerrin zjarrfikësit, pasi nuk mund të lëvizte, raporton CBS LA.
E mbuluar me blozë, Nunez-Figueroa është arrestuar nga policia dhe është dërguar në burgun e grave në Kaliforni.
Mbi të rrëndojnë akuzat për hyrje të palejuar në pronë të huaj dhe prishje të rendit dhe qetësisë.
Ndryshe, familja e gruas ka ofruar dëmshpërblim për pronarin, të cilit u desh t’ia prishnin oxhakun për të nxjerrë atë.