Çfarë fshehin më së shumti meshkujt nga gratë

Life style

Çfarë fshehin më së shumti meshkujt nga gratë

Më: 19 tetor 2014 Në ora: 17:33

Ashtu siç edhe femrat që i fshehin disa sekrete të vogla, ekzistojnë po ashtu edhe disa gjëra që meshkujt i fshehin nga femrat.
Ata nuk janë aq të talentuar në të shprehur dhe pikërisht për këtë ata nuk kanë dëshirë t’i diskutojnë disa çështje të ndjeshme. Ja disa nga gjërat më të zakonshme që meshkujt i fshehin nga gratë.

1. Kanë fantazi seksuale
Sekreti më i zakonshëm të cilin e fshehin meshkujt është pikërisht fakti se ata kanë fantazi seksuale. Megjithatë, shumica do ta mohojnë këtë. Ndoshta sepse kanë frikë që do të frikësoheni apo do të keqkuptoni. Më së miri është të uleni me partnerin tuaj dhe të flisni hapur për fantazitë e tij. Ndoshta disa prej tyre do të mund t’i aplikoni.

2. Nuk u pëlqejnë rrotullat
Një tjetër gjë të cilën meshkujt zakonisht e fshehin nga gratë është fakti se aspak nuk i kushtojnë vëmendje detajeve të bisedave tuaja. Ata duan t’i kaloni të gjitha detajet e parëndësishme dhe menjëherë të thoni se çfarë është me të vërtetë e rëndësishme. Ata janë të thjesht dhe nuk u pëlqen analiza e tepruar, sepse konsiderojnë se kjo është një humbje kohe dhe energjie. Prandaj, mos e ngarkoni partnerin me të gjitha detajet e parëndësishme dhe kaloni menjëherë në temë.

3. Nuk dinë çfarë të thonë në takimin e parë

Shumica e meshkujve bisedën e takimit të parë e përjetojnë shumë të dhimbshme, sepse nuk dinë për çfarë të bisedojnë për t’ju impresionuar dhe për t’ju treguar se si ata në fakt janë një rast i mirë për ju. Kjo është arsyeja pse shumica e meshkujve preferojnë ndonjë aktivitet zbavitës në takimin e parë si për shembull shkuarja në ndonjë park argëtues.

4. Nganjëherë e duan heshtjen
Kjo mund të tingëllojë si mizore, por për fat të keq është e vërtetë. Ekspertët pohojnë se truri i mashkullit është linear dhe komunikimi ditor në punë krijon impenjim më të madhe se tek femrat. Prandaj ndonjëherë është më mirë që partnerit t’i jepni pak hapësirë dhe qetësi në vend se ta ngarkoni me lloj-lloj bisedash.

5. Shpesh gënjejnë për ta ruajtur paqen
Shumë meshkuj nuk e thonë atë që e mendojnë gjatë grindjeve me të dashurën apo gruan për shkak të frikës se konflikti do të mund të përshkallëzohej. Prandaj ata gënjejnë për disa gjëra vetëm për ta ruajtur paqen në marrëdhënie, përcjell koha.net.

6. Duan të ndihen tërheqës
Ashtu si edhe femrat, shumica e meshkujve duan të ndihen tërheqës dhe të dëshirueshëm, edhe pse ndoshta nuk e thonë këtë. Meshkujt janë gjithashtu të pasigurt dhe duan ta dëgjojnë mendimin tuaj rreth tyre. Ata duan të dinë se si i shihni dhe çfarë me të vërtetë mendoni për ta. Prandaj, herë pas here duhet t’i tregoni partnerit se pse e doni atë aq shumë.

Më të lexuarat
Sot mund të lexoni Shfletoni kopertinat