Një i ri kinez nxorri të fejuarën me qera për të blerë iPhone. Publikoi edhe listën e çmimeve, rreth një euro ora, gjashtë euro dita dhe 63 euro në muaj. Janë këto tarifat që një i ri nga Shanghai vendosi për qeranë e së fejuarës së tij, në mënyrë që të mblidhte disa para për të blerë modelin e ri të Apple, iPhone 6. Xiao Ai, e fejuara e tij, kishte edhe një profil të plotë, ku jepeshin të dhënat për gjatësinë, peshën dhe një fotografi për të treguar hiret e saj. Mes shërbimeve të përfshira në çmim, sqarohej se ofrohej mundësia për të ngrënë apo studiuar bashkë me Xiao, por jo për të shkuar më tej se kaq.