Kontinenti afrikan është streha e kafshëve më të rrezikshme në planet, rivalë të përjetshëm për mbijetesë.
Dy prej tyre janë edhe krokodilët dhe hipopotamët. Këto dy ‘fise’ rrallë ngatërrohen në punët e njëri-tjetrit, ama kur e bëjnë ofrojnë spektakël.
Marc Mol është autori i një sërë shkrepjesh magjike në një lumë të Zambias, në juf të parkut kombëtar, Luangwa, ku krokodilë të uritur po përgatiteshin për të ngrënë një hipopotam që kishte ngordhur më herët.
Një turmë hipopotamësh provoi të shpëtojë atë që kishte mbetur nga miku i tyre, por kur vunë re që ‘armiqtë’ ishin dhjetra herë më shumë në numër, vendosën të tërhiqeshin.
