Ish i fejuari me ka vjedhur adresën e Facebook dhe ka ndërhyrë duke fyer miqtë mi”. I.S., 22 vjeç ka denoncuar në polici ish-të fejuarin e saj Fatos T., 24 vjeç banues në Lukovë, Sarandë, se i ka ndërhyrë në adresën e saj në rrjetin social në Facebook.
Çifti ishte ndarë pak javë më parë dhe e reja dyshon se ish i fejuari është hakmarrë duke i fyer miqtë dhe duke lënë statuse fyese në faqen e saj të Facebook. Policia shoqëroi 24-vjeçarin i cili u mor në pyetje.
Ai ka mohuar se ka fyer ish- të fejuarën duke deklaruar se mes tyre kishte mbaruar çdo gjë dhe ai nuk ndërhynte në jetën e saj. Policia tha se ndaj të riut ka nisur procedimi penal në gjendje të lirë.