Regbisti humb testikulin pas dëmtimit në fushë - Bota Sot
Regbisti humb testikulin pas dëmtimit në fushë

Life style

E hënë, 29 gusht 2016

Regbisti humb testikulin pas dëmtimit në fushë

Më: 9 tetor 2012 Në ora: 16:12

Një lojtar regbie në Britaninë e Madhe mposhti një dhembje të jashtëzakonshme dhe përfundoi ndeshjen, në fund të së cilës u detyrua t’i nënshtrohej një ndërhyrje kirurgjikale për heqjen e një testikuli.

Sulmuesi i Uarrington, Paul Wood, në finalen e kampionatit kombëtar me Lidsin, pësoi një goditje të fortë disa minuta përpara përfundimit, nga e cila një prej testikujve të tij u shkëput nga lidhja me pjesën tjetër të trupit.

Pavarësisht dhembjeve në kufirin e të durueshmes, siç raportoi “Daily Mail”, regbisti vendosi të përfundonte ndeshjen, të cilën ekipi i tij e humbi.

Siç mësoi më vonë 31-vjeçari, nëse do të ishte transportuar menjëherë në spital, ai mund të kishte shpëtuar testikulin.

Megjithatë, lajmi i mirë për Wood është se pavarësisht kësaj humbje, paraqitja e tij seksuale nuk do të dëmtohet, pasi nje testikul eshte i mjaftueshem per te kryer funksionin riprodhues.

Ndërkohë, gjesti i tij është vlerësuar si një akt i rrallë burrërie, për përballimin e dhembjeve që tejkaluan kufirin e një njeriu të zakonshëm, për hir të fanelës dhe dëshirës për të fituar ne finalen e madhe.

Regbia konsiderohet si një prej sporteve më të dhunshme, falë lejimit të një kontakti të fortë trupor mes lojtarëve, por një dëmtim i pësuar si ai i 31-vjeçarit është unik edhe në historinë e këtij sporti.

Komentet
comments powered by Disqus
Më të lexuarat
Sot mund të lexoni Shfletoni kopertinat
Sondazh Kush ka të drejtë dhe çfarë duhet të bëj Qeveria me demarkacionin me Malin e Zi?

    Kuvendi duhet ta votojë marrëveshjen për demarkacion me Malin e Zi

    Qeveria duhet ta rishikoj marrëveshjen

    Opozita ka të drejtë që po kundërshton demarkacionin

    Qeveria ka të drejtë për demarkacionin

    Nuk duhet të votohet marrveshja, sepse me demarkacion Kosova humbë tokë

    Shiko rezultatet
test