Analizë konsumit energjitik dhe lëvizjes, vëmendje mbeturinave dhe burimeve hidrike, si dhe monitorim i sallave, shërbimeve, strukturave dhe aktiviteteve.
Është ky zhvillimi ekologjik i Universitetit Bicocca në Milano, për të reduktuar harxhimet dhe për të kufizuar gjurmët e karbonit.
Një projekt i saponjoftuar që brenda dy viteve dhe me një investim prej 90 mijë eurosh do t’i garantojë institutit arsimor një reduktim të emetimeve të CO2 me rreth 15 për qind.
Është një kursim që në terma ekonomikë përkthehet në qindra mijëra euro që mund të shkojnë për projekte shkëmbimi me vende të tjera dhe bursa studimi.
Një kërkim shkencor mbi të gjithë kampusin, i përbërë nga 25 ndërtesa, 192 salla didaktike dhe 600 ambjente të tjera, kryesisht laboratore kërkimi dhe zyra në Milano dhe Monza, që ka si aktorë departamentet e shkencave të ambjentit dhe sociologjisë, të angazhuar në mbledhjen e rezultateve.
