Të jesh i ndjekur nga një tigër, mund të jetë një prej maktheve më të mëdha që mund të ketë një njeri i zakonshëm.
Megjithatë, për një kujdestar të guximshëm të një kopshti zoologjik, kjo është rutina e ditës së tij.
30-vjeçari Jeff Harvell, në Arizona, SHBA, është stërvitur që të provokojë tigrat, në mënyrë që t’i bëjë ata që ta ndjekin, përpara se të gjejë shpëtimin duke u hedhur në një pishinë, ku në ndihmë i vijnë bashkëpunëtorët e tij që shpërqendrojnë tigrin, që në ujë humbet shumë prej avantazheve që do të kishte ndaj një njeriu në tokë.
Ndonëse për disa ky “sport” është vetëm një katastrofë që pret të ndodhë, Harvell nuk e krahason ndjekjen nga një tigër me asgjë tjetër në jetë, ndërsa spektakli ka filluar të grumbullojë shuma të rëndësishme për kopshtin zoologjik, me qindra persona që vijnë të shohin me kuriozitet “rutinën” e përditshme të jetës së kujdestarit.
