I shkon si mos më keq takimi në hotel, pasi ra dakord me një grua me të cilën bisedonte në chat. Ngjarja ka ndodhur në Itali dhe burri jo vetëm që u zbulua, por gruaja e përzuri nga shtëpia, duke i hedhur të gjitha rrobat jashtë dhe çështja përfundoi në derën e avokatit.
Burri ishte frekuentues i rregullt në një chat specifik për takime erotike. Kur shkon në hotel i iku mendja, pasi përballë i doli kunata, motra e gruas.
Ai tentoi të qetësonte kunatën e t’i kërkonte të mos i thoshte gjë gruas, por një gjë e tillë nuk ndodhi.
Ajo vrapoi tek e motra dhe i tregoi gjithçka, e kjo e fundit nuk humbi kohë të merrte vendimin e fundit, e nxori nga shtëpia burrin dhe iu drejtua avokatit për ndarje.
