Ka persona që nuk pëlqejnë të qenit romantik, ka të tillë që frigohen andaj edhe janë tepër romantik. Edhe të parët, edhe të fundit, shkojnë nga ekstremi në ekstrem pasiqë ndonjëherë romantika e tepërt mund të shkatërrojë gjithçka, dhe kur nuk ka romantikë humb edhe dashuria.
Romantikë nuk nënuptojnë vetëm lulet, qirinjtë e ndezur, ëmbëlsirat, shampanja dhe darkat në restorante luksoze. Në çdo lidhje mund të krijoni mënyrën tuaj të romantikës, por nëse dëshironi që mashkulli juaj të jetë më tepër i juaji, parshtroni këto pyetje.
Çfarë të pëlqen tek unë ?
Është me rëndësi që të kuptoni arsyen pse ai ju pëlqen, pse është në lidhje me ju dhe pse lidhja juaj është ndryshe nga të tjerat në të kaluarën. Në këtë mënyrë indirekte do të kuptoni se nga lind kimia që ju mban bashkë. Kur të kuptoni këto gjëra, do të punoni në përsosjen e tyre dhe në përsosjen e lidhjes suaj.
Cili është kujtimi më i ëmbël për neve?
Nuk është me rëndësi se cili kujtim do të jetë por nostalgjia të cilën e sjell kujtimi, vetëm kujtoni fluturat e para në stomak dhe përmbledhni përshtypjet e atëhershme dhe rikujtoni të gjitha detajet. Nostalgjia e tillë do ju bëjë të dyve të dëshironi krijimin e momenteve të reja të intensitetit të tillë, sa më tepër momente të tilla, momente të hareshme, aq më pak zënka dhe kritika dhe aq më lidhje e fortë.
Si duket sipas mendimit personal një lidhje e përkryer
Këtu duhet të keni kujdes pasiqë çdo femër ëndërron që mashkulli i saj të i tregojë përralla romantike prandaj kur ndodh e kundërta, shpejtë dëshpërohen dhe gjithçka bie në ujë. Me rëndësi është të jeni e sinqertë dhe reale në dëshirën për të kuptuar këtë përgjigje. Dëgjoni mirë se çfarë ka për t`ju thënë pasiqë do ju zbulojë se çfarë nënkupton me lidhje normale dhe stabile. Mund të kuptoni se nuk keni të njejtin mendim për formatin e lidhjes suaj mirëpo më e rëndësishmja është të kuptoni se mashkulli juaj ka pritje dhe dëshira reale dhe kjo mjafton për një lidhje me sukses.
Cila është fantazia yte seksuale?
Biseda është pjesë e afërsisë emocionale dhe lidhjes mentale, derisa këtu është pasioni që të shuaj etjen. Lidhjen kualitative nuk e karakterizon kënaqësia seksuale vetëm për shkak të kënaqësisë trupore, por vetë akti seksual në fakt është “të bësh dashuri”. Nëse dëshironi të keni sukses në këtë aspekt dhe të jeni edhe më të lidhur me partnerin tuaj, juve ju duhet të kuptoni më tepër gjëra në lidhje me të dhe ndërmjet gjërave të rëndësishme që duhet kuptuar janë edhe dëshirat e tij më të fshehura.
Cila është gjuha yte e dashurisë?
Gjuha e dashurisë ju bën të zbuloni gjërat që i pëlqen i dashuri juaj, çfarë i përshtatet më tepër dhe në cilën mënyrë i konvenon t`ia shprehni dashurinë. Sipas shpjegimit të disa librave, gjuhët e dashurisë janë pesë: shfaqja e dashurisë përmes dhuratave, kohës së përbashkët kualitative, fjalëve dhe deklaratave afirmative, shfaqjen e dashurisë përmes veprave dhe prekjes fizike. Kur të njihni më mirë njëri tjetrin, lidhja juaj do jetë më e fuqishme.
