“Të dashuruar në azil”, Veliaj i marton në “Top Show”

Life style

“Të dashuruar në azil”, Veliaj i marton në “Top Show”

Më: 14 shkurt 2018 Në ora: 23:04
Vangjelica dhe Et’hemi

Kush ka lexuar librin “Dashuri në kohën e kolerës”, është mahnitur nga historia e dashurisë që Garcia Marquez ka shkruar në një prej romanëve më të lexuar të të gjithë kohërave. Por në “Top Show Magazine” ka ardhur historia e një çifti të moshuarish, paska ndryshe nga vepra e Marquez, por edhe fabula e tyre është po aq mbreslënëse.

Ata e kanë gjetur dashurinë në azilin e pleqve në Tiranë. Vangjelica, 80 vjeç, dhe Et’hemi, 83 vjeç, kanë treguar në “Top Show Magazine” historinë e tyre të veçantë të dashurisë!

80-vjeçarja ka treguar se Et’hemi i ka propozuar 3 ditë pasi ajo kishte shkuar në azil. “Mos e lini se ajo është e imja, u thashë “çunave”, të tjerë”, tregon Et’hemi.

Por duket se edhe ata e kanë një pengesë, drejtoreshën e institucionit që, siç tregojnë, nuk i lejon të flenë bashkë. Ata kanë mbi 1 vit bashkë dhe siç tregon Vangjelica e kalojnë kohën bashkë duke qëndruar në korridor.

Për ta “Top Show Magazine” ka rezervuar edhe një surprizë, celebrimin nga kryebashkiaku i Tiranës, Erion Veliaj.

Pas përfundimit të ceremonisë, çifti i ri është përlotur.

Sot mund të lexoni Shfletoni kopertinat