Ndërmarrjet private në zonat ku jetojnë shqiptarët në Malin e Zi paraqesin një faktor të rëndësishëm në zhvillimin dhe mirëqenien e banorëve të vendit. Ndërmarrjet e vogla dhe të mesme, me hapjen e vendeve të reja të punës, kanë ndikuar në pakësimin e dukshëm të papunësisë tek të rinjtë, që është jetike për komunitetin shqiptar që jeton në Malin e Zi. E tillë është edhe ndërmarrja e mobilerive “Kurti” në Ulqin , që cilësohet ndër më të njohurat në Mal të Zi dhe në rajon.