Autobiografia e Clinton, “mollë” sherri në Serbi, ja pse - Bota Sot
Autobiografia e Clinton, “mollë” sherri në Serbi, ja pse

Lajme

E mërkurë, 19 shtator 2018

Autobiografia e Clinton, “mollë” sherri në Serbi, ja pse

Më: 13 qershor 2018 Në ora: 17:15
Hillary Clinton

 Autobiografia e Hillary Clintonit është kthyer në “mollë” sherri në Serbi. Institucioni që përfaqëson komunitetin shqiptar në vend mohoi të ketë kërkuar përfshirjen e këtij libri në kurrikulat e nxënësve shqiptarë pas reagimit të ashpër të një ministri serb, i cili kujtoi rolin e bashkëshortit të saj në fushatën e bombardimeve gjatë luftës së Kosovës.

Nuk e kemi kërkuar një gjë të tillë, tha për BIRN sekretari i këshillit kombëtar shqiptar Enver Mehmeti. Ai shpjegon se ajo që ky organizmë propozoi ishte vetëm që tekstet në gjuhën shqipe të përdoren nëpër shkolla që ndjekin programin e miratuar prej qeverisë.

Por ministri serb i Arsimit, Mlladen Sarçeviç reagoi duke thënë se “nuk do të lejojë që në shkollat e mesme, nxënësit të mësojnë mbi pjesëtarë të familjes që urdhëroi bombardimin e Serbisë”, duke iu referuar fushatës ajrore të NATO-s të vitit 1999, e cila synonte t’i jepej fund operacioneve ushtarake të Beogradit në Kosovë.

“Nëse shqiptarët e shohin familjen Clinton si një të mirë supreme, ne e shohim atë si të keqen supreme”, citohet të ketë thënë Sarçeviç. Përfaqësues të këshillit kombëtar shqiptar sqarojnë se autobiografia e Clintonit duhet të shërbente thjesht si shembull i një teksti shkollor për këtë zhanër, por leximi i saj nuk do të ishte i detyrueshëm.

Komentet
comments powered by Disqus
Sot mund të lexoni Shfletoni kopertinat
Sondazh
test