Se koha po ikën shumë shpejt, është dëshmi maturantët e këtij viti, të cilët më duket se dje i pashë si fatosa e yllka, ndërsa sot, në moshën e pjekurisë.
Maturantët shqiptarë të Medvegjës, gjenerata e vitit '99, edhe pse në numër të vogël, dhjetë sish, ata me bukurinë e tyre mahnitën për të mos ia lënë fjalën fotos e që flet mijëra fjalë tjera.
Do t’i them edhe ca fjalë pa hezitim për rininë tonë të mrekullueshme e të shëndoshë, pa asnjë dromcë degjenerimi.Kjo është rini të cilës do t’ua kishte lakmi çdo rini nga shtetet më të civilizuara botërore.Një rini e bukur kjo e cila lirisht dekorohet me epitete më të bukura, të dala nga shpirti: Princër e princesha,malsorë e malsore, rinia shqiptare medvegjase! Në fytyrat e tyre shkrepëtin stralli i shpresës dhe me optimizëm flasin rreth planeve të tyre në të ardhmen. E ëndërrojnë perspektivën e tyre të suksesshme dhe janë vizionarë argumentues rreth këtyre synimeve jetësore. Kjo argumentohet nga këndvështrimet e tyre në margjinat e synimeve të tyre në shtigjet e reja jetësore.
Këta maturantë lindën dhe jetuan pas vitit 2000, ku dihen vështirësitë në këtë rajon. Si të rinj, u përballën me sfida dhe këto ua sollën pjekurinë e parakohshme. Arritën që me shumë vullnet ta mbajn gjallë traditën dhe gjuhën shqipe së bashku me familjet e tyre. Me ta krenohet e gjithë shqiptaria duke i parë ballëhapur dhe të patundur, përkundër moshës që e kanë. Të kalitur janë me kohën.
Maturantët shqiptarë të Medvegjës, që kanë vijuar mësimet në paralelen e ndarë të SHML “Nikolla Teslla” në Medvegjë, të premten, më tetë qershor 2018. në njërin nga restaurantet e Banjës së Sijarinës, festuan mbrëmjen e maturës, ku me shumë dashuri simbolizojnë shqiponjën “DYKRENARE”:
Albiona Mustafa,
Antigona Sahiti,
Adelina Osmani,
Arjeta Sahiti,
Egzon Aliu,
Ilir Murati,
Lirona Zuka,
Loresa Halimi,
Loresa Dema,
Shpend Sahiti.
