Kryetari i Lidhjes Demokratike të Kosovës, Isa Mustafa, përmes një postimi në llogarinë e tij në ‘Facebook’ ka kujtuar 19 vjetorin e ditës së ndërhyrjes shpëtimtare të NATO-s në Kosovë.
Mustafa ka thënë se rezistenca brilante e prirë nga Presidenti Rugova, lufta heroike e nisur nga Komandanti Legjendar, Adem Jashari dhe vendosmëria e paepur e popullit të Kosovës, mobilizoi botën demokratike që së bashku ta fitojmë lirinë dhe ta kemi shtetin tonë.
Postimi i plotë i kryetari të LDK-së:
24 Marsi 1999 shënon fillimin e përfundimit të pushtimit të Serbisë mbi Kosovën.
Rezistenca brilante e prirë nga Presidenti RUGOVA, lufta heroike e nisur nga Komandanti Legjendar, Adem JASHARI dhe vendosmëria e paepur e popullit të Kosovës, mobilizoi botën demokratike që së bashku ta fitojmë lirinë dhe ta kemi shtetin tonë.
Zoti e Bekoftë Republikën e pavarur dhe sovrane të Kosovës!
