Presidenti i Serbisë, Aleksandar Vuçiq, deklaroi sot se Serbia dhe SHBA-ja nuk pajtohen rreth formimit të ushtrisë së Kosovës, ndërsa sa i përket asociacionit të komunave me shumicë serbe u shpreh se me siguri nuk do të ketë asgjë.
Ai pas takimit me ndihmës sekretarin e SHBA-së, Wess Mitchell, tha se Serbia dhe SHBA kanë qëndrime të ndryshme sa i përket Kosovës.
“E dimë se Kosova është pengesa më e vështirë, andaj Serbia është e gatshme të bisedojë për kompromiset e mundshme, por jo edhe përuljet. Çdo kompromis është i vështirë, por duhet ta pranojë edhe pala e dytë dhe e tretë”, tha Vuçiq.
Kreu i shtetit serb është deklaruar edhe dialogut në Bruksel, për të cilin ka thënë se Serbia është duke përmbushur të gjitha obligimet e veta që dalin nga marrëveshjet e arritura me Kosovën.
“Shqiptarët kanë pasur vetëm nga kjo marrëveshje juridike ndërkombëtare, dhe kjo është asociacioni i komunave serbe, dhe këtë nuk e ka përmbushur. Duhet të jem i hapur, mendoj se nga kjo nuk do të ketë asgjë”, tha Vuçiq.